Ven a Burela

Vila mariñeira por excelencia, a nosa situación xeográfica convértenos en privilexiado balcón ao Cantábrico.

Localizada no destino turístico/xeodestino definido como A Mariña Lucense que se estende delimitado polo mar Catábrico ao norte e a Sierra do Xistral ao sur, agrupa os municipios de Alfoz, Barreiros, Burela, Cervo, Foz, Lourenzá, Mondoñedo, Ourol, Pontenova, Ribadeo , Trabada, Valadouro, O Vicedo, Viveiro e Xove.

Afortunados e afortunadas pola paisaxe que nos brinda a nosa localización, abrímonos ao mundo ofrecendo modernidade pero tamén memoria histórica e acollendo a quen nos elixe cos brazos abertos. Desfrutade dun punto turístico privilexiado pola súa configuración natural e polos moitos servizos que ofrece, entre os que se inclúe unha ampla variedade de restaurantes e mariscarías e un abundante número de prazas hostaleiras.

Benvidos e benvidas a Burela, gozarédela !