Este é o programa para o Día do Orgullo Mariñeiro: 

Venres 15 de decembro de 2023
Ás 13:00 horas: Orgullo Mariñeiro na Escola: máis de 700 escolares da Mariña Lucense comerán merluza de Burela nos seus menús
Ás 18:00 horas: Orgullo Mariñeiro no Escenario: na Casa da Cultura de Burela poderás desfrutar da película documental "Escamas, Sangre!", e a continuación, unha charla coloquio cos protagonistas do documental
Ás 20:00 horas: Orgullo Mariñeiro no Prato: degustación gratuita de "Peixe de Burela" na Praza da Mariña.

Praza da Mariña de Burela
Sábado 16 de decembro de 2023 ás 18:00 horas

En "Rockeando coa Ramona pequena" Pakolas preséntanos o seu último libroQR "A Ramona pequena vai á Lúa", editado en Sonárbore, na Editorial Galaxia (Abril-2023)  Neste concerto, Pakolas guiaranos coa súa forza interpretativa e o seu humor por todo un universo musical, e contaremos e cantaremos a historia da Ramona pequena. A máquina do tempo leva a Ramona á súa infancia., e vivimos así unha nova aventura didáctica e rockeira rebordante de imaxinación e aprendizaxe. Corría o ano 1967 no Courel e Ramona contaba con 6 aniños. Era unha nena movida por constantes inquedanzas, cunha mente esperta e imaxinativa. Adoraba perderse entre as páxinas de Xulio Verne, «A volta ao mundo en 80 días», «20 mil leguas de viaxe submarino», «Viaxe ao centro da terra» e sobre todo un que lle espertaba a mais grande das curiosidades, «Da terra á lúa», que lía unha e outra e outra vez. A Lúa era para ela unha fonte imparable de preguntas sen resposta: que tipo de leiras habería nela? Poderíase cultivar na súa superficie? Habería auga? Viviría alguén aí? Saberían, ou polo menos entenderían o galego? Sería mais grande que o Sol? Moitas personaxes poderedes coñecer neste novo espectáculo, como a profe Lupe, que sempre escoitaba atenta as dúbidas da pequena, ou á súa amiga furona Nora, coa que consigue viaxar ata a Lúa! Con estas e outras personaxes chegaremos á fin desta viaxe, que nos ensina que a imaxinación non ten límites, a nosa cabeza é un taller de ideas onde os soños poden tornarse realidade.