O Concello de Burela informa da suspensión dos servizos de recollida de residuos e limpeza viairia este martes con motivo de San Martín de Porres

Burela, 2 de novembro de 2026. O Concello informa de que mañá, martes 3 de novembro de 2026, non haberá servizo de recollida de residuos, limpeza viaria nin xestión do punto limpo con motivo da celebración de San Martín de Porres, patrón do sector da recollida de residuos.

O concelleiro de Obras e Benestar Comunitario, Ramiro Fernández Rey, aproveitou para lembrar “a todas as veciñas e veciños que teñan en conta este cambio á hora de xestionar os seus residuos para evitar acumulacións e molestias. A colaboración de todos é fundamental para que os servizos funcionen correctamente”.

O Concello lembra que a recollida retomará o seu horario habitual a partir do mércores 4 de novembro de 2026 e agradece de antemán a colaboración da cidadanía para contribuír ao coidado e mantemento dos espazos públicos e á limpeza do municipio.