DOUS PROFESORES DA UNIVERSIDADE DE CABO VERDE VISITARON ESTES DÍAS BURELA.

Burela, 12 de novembro de 2022. Dous profesores da Universidade de Cabo Verde visitaron estes días Burela, onde mantiveron unha xuntanza coa comunidade dese país asentada na vila.

A concelleira de Inmigración, Cooperación e Integración, Noelia Mª Ben, explicou que “aproveitando unha estancia de investigación en Galicia xunto coa Universidade de Santiago, liderada por Ofelia Rey Castelao (catedrática recentemente galardoada co Premio Nacional de Historia de España), no marco do proxecto europeo Resistance. Rebelión e resistencia nos imperios ibéricos (s XVI-XIX), os docentes da Universidade de Cabo Verde, Lourenço Gomes e Elter Carlos, mediante o contacto establecido coa profesora e cronista oficial de Burela, Herminia Pernas, achegáronse ata a nosa vila os días 10 e 11 de novembro”.

A edil bureles contou que “nestas dúas xornadas en Burela, o xoves ofrecémoslles unha recepción no Concello e a continuación tivo lugar unha xuntanza coa comunidade caboverdiana asentada no municipio, acompañada de Batuko. Ademais estiveron co alumnado dos IES do municipio nos seus centros para debater sobre o dialogo intercultural”.