Burela de Ruta - Xeorutas - Verán 2025

O Concello de Burela organiza un ano máis o programa Burela de Ruta, con varias actividades que inclúen visitas guiadas e XeoRutas ao longo dos meses de verán.

Haberá tres XeoRutas distintas: A Marosa, O Perdouro e O Cantiño. Entre os meses de xullo, agosto e setembro organizaranse un total de vinte rutas guiadas.

A ruta da Marosa e a do Cantiño, de 7,8 e 6,4 quilómetros, son de dificultade baixa, mentres que a do Perdouro, que percorre o conxunto de dobramentos mellor conservado de Galicia, é de dificultade media, cun percorrido de 3,2 quilómetros.

As inscripcións gratuítas poden realizarse no seguinte enlace.