Camiño Natural da Ruta do Catábrico

Este roteiro pertence á Rede de Camiños Naturais de España, dependentes do Estado. 

O Camiño Natural do Roteiro do Cantábrico, nas provincias galegas de Lugo e A Coruña, percorre a franxa costeira ao longo de máis 150 quilómetros distribuídos en 7 etapas e 3 ramais. Percorrelo permitirá visitar fermosas localidades como Ribadeo, Foz, Burela, San Cibrao, Viveiro, O Vicedo, O Barqueiro, Porto de Espasante e Ladrido, e gozar de innumerables e bonitas praias, destacando entre elas a praia das Catedrais declarada Monumento Natural, e de espazos naturais protexidos. 

Perfectamente sinalizadas, Burela é punto final e de partida das etapas 3 e 4 respectivamente. O camiño, ao seu paso pola localidade, permite descubrir as diferentes áreas xeolóxicas da localidade, e a bonita factura da nosa costa. Declarada geosite, lugar de interese xeolóxico de relevancia internacional, na nosa costa (zona Castrelo-porto pesqueiro) conflúe a rasa cantábrica (superficie aplanada e rectilínea que se inicia aquí para proseguir pola costa cantábrica ata Francia), e que se pode observar durante a etapa 3, e o batolito granítico de San Cibrao-Burela, que se estende ata Viveiro, e pódese observar maioritariamente na etapa 4, desde a Oficina de Turismo ata a praia da Marosa. As diferenzas entre ambas son claramente apreciables nas nosas estruturas litorais. Aquí, na súa páxina oficial, podedes atopar máis información do Camiño Natural do Cantábrico (con descripciónes, mapas, perfís...):

https://www.mapa.gob.es/es/desarrollo-rural/temas/caminos-naturales/caminos-naturales/sector-noroeste/cantabrico/etapa-iii/default.aspx