- XeoRuta do Perdouro

Venres 3 de abril de 2026 de 10:30h a 13:30h.

Punto de inicio: Oficina de turismo de Burela (https://maps.app.goo.gl/pGxR2X4ZNqCrLWpp6)

Prezo: Gratis

Número de Prazas: 15

Inscrición: Na Oficina de Turismo, no correo oficinadeturismo@burela.org ou no teléfono 982888506.

- XeoRuta da Marosa

Sábado 4 de abril de 2026 de 10:30h a 13:30h.

Punto de inicio: Oficina de turismo de Burela (https://maps.app.goo.gl/pGxR2X4ZNqCrLWpp6)

Prezo: Gratis

Número de Prazas: 15

Inscrición: Na Oficina de Turismo, no correo oficinadeturismo@burela.org ou no teléfono 982888506.

O director dun importante medio de comunicación debe deixar o seu posto en mans dun dos seus dous sub-directores. Unha é muller, home o outro. Que influirá nesa decisión?: a capacidade?, o sexo?, a experiencia?, a audacia?, o engano?, a trampa?...

Como primeira aproximación poderiamos decir que TESTOSTERONA é unha comedia, mais aínda sendo posiblemente certo ese etiquetado de pouco nos ía servir, pois non faría referencia máis que ao envoltorio e a razón da elección deste texto non está na forma, sen desdeñala, senón nos contidos que conforman a peza.
TESTOSTERONA fala de desigualdade laboral; un home e unha muller optan a un posto de máxima responsabilidade nun medio de comunicación de ambito nacional. Como debe actuar ela para ser a elixida? Por que non é suficiente a súa capacitación, o seu talante, a súa formación e a súa intuición?
Todos esperan que actúe como o faría un home. Esperan que reproduza as regras de poder deseñadas polos homes.
TESTOSTERONA parece unha fábula contemporánea na que son posibles múltiples lecturas; pero na que unha sobresae: a idea de que a muller se conforma con alcanzar as cotas de poder que o sistema –creado por homes- estableceu. Iso apréciase nas reivindicacións que as mulleres fan (aínda hai poucas directoras, poucas executivas, poucas catedráticas) e así os mecanismos de corrupción instalados nas estruturas de poder perpetúanse.
TESTOSTERONA, proponnos unha reflexión profunda sobre a desigualdade laboral por cuestión de sexo, pero faino de maneira que nos sorprenderemos cun sorriso debuxado nos nosos beizos, vendo as peripecias destes personaxes.

Casa da Cultura de Burela
Venres 10 de abril de 2026 ás 21:00 horas
Entrada: 5,00 euros
Público: +14 anos
Entradas á venda na taquilla unha hora antes da función

Casa da Cultura de Burela
Venres 24 de abril de 2026 ás 21:00 horas
Entrada: 5,00 Euros
Público: +13 anos
Entradas á venda na taquilla unha hora antes da función

A TOUPIÑA QUE QUERÍA SABER QUEN LLE FIXERA AQUILO NA CABEZA

A Toupiña saíu do seu tobo e algo lle caeu na cabeza… a modo de pucho cheirento! Así comeza a historia de "A Toupiña que quería saber quen lle fixera aquilo na cabeza"
Moi indignada, percorre a granxa decidida a descubrir quen dos animais —a pomba, o cabalo, a lebre...— foi o responsable de semellante agravio.
Trátase dunha obra divertida, escatolóxica e chea de humor, que provoca gargalladas e fai que o público empatice coa pequena toupiña, ferida no seu orgullo.
O ecoloxismo, a reutilización e a reciclaxe están tamén presentes nun espectáculo que convida a ter unha visión diferente dun tema tan natural como a vida mesma, ao tempo que propón unha reflexión sobre o final do conto: A vinganza é realmente a opción correcta?
Con esta peza foméntase a curiosidade, o coñecemento e respecto polos animais, e estímase a intelixencia emocional, o recoñecemento das diferenzas e o gusto pola investigación, nun ambiente de misterio e diversión.

Casa da Cultura de Burela
Sábado 25 de abril de 2026 ás 18:00 horas
Público a partir de 2 anos
Venda de entradas en Ataquilla.com