Visitas académicas Barco Museo Boniteiro
No marco do seu labor didáctico, centrado na difusión do patrimonio e cultura mariñeira, e de sensibilización sobre a necesidade de empregar prácticas pesqueiras sustentables, o Barco Museo Boniteiro “Raíña do Carmen” recibe visitas académicas gratuítas durante o curso escolar por parte de colexios, centros de educación secundaria e de bacharelato.
Froito deste compromiso, o Barco-Museo foi distinguido pola Unión Europea coa Bandeira Azul de Educación Ambiental e Protección dos Recursos Mariños, divulgando e poñendo en valor entre todas as persoas que o visitan artes de pesca tradicionais e artesanais como o curricán ou cacea e o cebo vivo ou tanqueo: selectivas, sostibles e respectuosas co ecosistema dos nosos mares. Artes que foron empregadas no noso barco “Virxe do Carmen” e no resto dos barcos dos portos do Cantábrico para a pesca do bonito desde os seus inicios ata a actualidade, capturando as pezas con anzol unha a unha. Tamén se explican outros métodos de pesca , prácticas e aparellos, os cales están prohibidos en España, debido ao seu impacto e agresividade coa flora e fauna dos nosos mares e océanos, pero que si se seguen a utilizar noutros países próximos.
Así, o alumnado, mentres asimila a dinámica diaria dun barco das características do “Raíña do Carmen” e como se capturan os peixes que despois atopan nas peixarías e nas súas casas, toma conciencia, aprendendo a identificar as prácticas prexudiciais a evitar no mar e adquirindo hábitos de pesca responsables.
Ademais, coñecerán datos curiosos que lles sorprenderán. Cal é o peixe máis veloz do mar, unha especie de quenlla que se pescou no barco, a diferenza de peso entre o atún e o bonito… Poderán observar e tocar o nariz dun peixe espada, que simula unha espada, a gran dentadura dun marraxo, o feto dunha tintoreira, unha especie de quenlla, de dúas cabezas, un peixe globo disecado.
Se é do seu interese, complementariamente ás visitas ao barco existen outras actividades didácticas e amenas a realizar no municipio, tales como unha saída para coñecer o seu patrimonio xeolóxico, polo cal foi recoñecido como geosite, lugar de interese xeolóxico de relevancia internacional, unha visita á nave de redeiras, para descubrir o seu oficio tradicional e artesanal de primeira man, etc.
Para grupos (visitas escolares, excursións....) é recomendable reservar data e hora coa maior antelación posible.
