Venres 1 de maio de 2026 a partir das 14:30 horas no pavillón dos Institutos

Inscríbete do 13 ao 27 de abril de 10:00 a 14:00 horas na Casa do Concello

■ Debes estar empadroad@ no Concello de Burela
■ Ter 65 anos cumpridos ou 60, sendo pensionista do sistema da Seguridade Social, ou xubilados do mar
■ Podes vir co teu cónxuxe
■ O aforo é limitado

Servizo de autobús:
>> 14:00 horas saída desde a Praza do Concello
<< 19:45 horas regreso desde o Pavillón dos Institutos

O Concello de Burela abrirá o vindeiro luns o prazo de inscrición para participar no Día da 3ª Xuventude, unha das citas máis especiais do calendario social do municipio, dirixida a recoñecer e celebrar o papel das persoas maiores na construción da vila.

A xornada terá lugar o venres, 1 de maio de 2026, no pavillón dos Institutos, a partir das 14:30 horas, cun programa pensado para fomentar a convivencia, o reencontro e o goce colectivo. O evento contará con prazas limitadas, polo que será necesario formalizar previamente a inscrición.

As persoas interesadas poderán anotarse en horario de 10:00 a 14:00 horas. Para participar será preciso estar empadroado no Concello de Burela e cumprir cos requisitos de idade: ter 65 anos cumpridos ou ben 60 anos sendo pensionista do sistema da Seguridade Social ou xubilado do mar. Ademais, permitirase a asistencia acompañada da parella.

A concelleira de Servizos Sociais, Sandra Fernández, destacou a importancia desta celebración, sinalando que “o Día da 3ª Xuventude é un dos momentos máis especiais do ano, porque nos permite parar, xuntarnos e recoñecer a quen leva toda unha vida construíndo Burela. Falamos de persoas que coidaron, traballaron, loitaron e sacaron adiante ás súas familias e ao noso pobo. Este día é tamén unha forma de dicirlles grazas”.

Co obxectivo de facilitar a asistencia, o Concello habilitará un servizo de autobús, con saída ás 14:00 horas desde a Praza do Concello e regreso ás 19:45 horas desde o Pavillón.

Desde o Concello de Burela anímase a todas as persoas que cumpran os requisitos a participar nesta xornada de convivencia e recoñecemento, pensada para poñer en valor a experiencia, o esforzo e a contribución das persoas maiores á comunidade.

Un espestáculo musical para os máis pequenos da casa, con contos, xogos e cantigas

Casa da Cultura de Burela
Sábado 2 de maio de 2026 ás 18:00 horas
Entrada: 3,00 euros
Público: Familiar
Entradas á venda na taquilla unha hora antes da función

Un show de David Puerto

“Bien” é o novo espectáculo de comedia en directo de David Puerto, onde a frescura e a espontaneidade se combinan para ofrecer unha experiencia única. En “Bien”, o traballo colectivo e a improvisación mestúranse á perfección coa música e os monólogos clásicos, creando unha atmosfera onde o ritmo e as risas van da man.
​A iluminación, o espazo e a música convértense en parte do espectáculo, envolvendo o público nunha viaxe chea de humor, ritmo e enerxía. Un espectáculo que rompe as barreiras tradicionais da comedia, xogando coa improvisación e a beleza musical, e onde o público é unha parte fundamental da acción.

Casa da Cultura de Burela
Sábado 9 de maio de 2026 ás 20:00 horas
Entradas á venda en Ataquilla.com

Repunantas
As punkis da literatura galega. De María Balteira a Begoña Caamaño.
​
■ Francisco Castro
■ Inma López Silva

Casa da Cultura de Burela
Venres 15 de maio de 2026 ás 21:00 horas

Casa da Cultura de Burela
Sábado 23 de maio de 2026 ás 20:00 horas
Entrada: 5,00 Euros
Público: + 14 anos
Entradas á venda na taquilla unha hora antes da función