Dos cumios do Courel ata os Canóns da Ribeira Sacra baixan, como segredos do vento, as melodías ancestrais e ritmos tribais de PEITOESCURO.
Salvaxe na súa esencia, este artesán sonoro érguese como un canto de paxaros entre as ruínas dun rural ferido.
Con cantigas populares, versos poéticos e ritmos ancestrais, PEITOESCURO eleva a tradición folclórica ibérica utilizando recursos electrónicos co fin de amplificar os latexos das serras.
Destes procesos nace un espectáculo contemporáneo onde o movemento e as emocións acadan unha potencia no escenario que non deixarán pel sen estremecer nin peito sen esperanza. Unha posta en escena valente, vibrante, para un futuro que necesita lembrar a sabedoría do rural para florecer.
“SEMENTE NA FENDA” dá nome ao seu álbum debut, producido por Iago Pico, que nos convida a bailar no ritual do enterro das sementes: unha exploración da escuridade necesaria para espertar na procura da luz.
VÉMONOS NOS SENDEIROS.

Casa da Cultura de Burela
Sábado 6 de decembro de 2025 ás 19:00 horas
Entrada de balde

Unha obra do Grupo Humorístico Trípode

A auga dá vida pero un exceso de auga pode afogar

Casa da Cultura de Burela
Venres 12 de decembro de 2025 ás 21:00 horas
Entrada de balde

O GRUPO DE TANGO ARXENTINO DE MAIOR AUDIENCIA EN EUROPA

Casa da Cultura de Burela
Sabado 13 de decembro de 2025 ás 20:30 horas
Entradas á venda en Ataquilla

“LA PORTEÑA TANGO”, dirixida polo guitarrista Alejandro Picciano, xunto ao pianista Federico Peuvrel e o mozo bandoneonista Matías Picciano, conta coa exquisita e potente voz de Eugenia Giordano. Xuntos, sorprenden aos afeccionados ao tango tradicional e seducen aos recén chegados que se senten atraídos polo xénero pola súa frescura e proximidade. A poesía de Bos Aires, os tangos, os valses, as milongas, os candombés e os antigos tangos campestres adórnanse con esta danza arxentina por excelencia que cativa o mundo.

O grupo teatral A Adala, de Fazouro, representará a obra Marina Club

Casa da Cultura de Burela
Venres 19 de decembro de 2025 ás 21:00 horas
Entrada de balde

The Piccole Theatre é unha nova visión do Teatriño de Feiras, primeira creación de Trécola estreada no ano 1982 coa que recuperaba a tradición das marionetas de fío en Galicia.
Un show moi participativo presentado polo gran Don Lirone, un buscador de talentos por terra, mar e aire.
Un espectáculo protagonizado por grandes artistas de madeira e cartón pedra que realizan acrobacias, números musicais, de maxia ou cómicos.
Representamos The Piccole Theatre coas marionetas orixinais, coa mesma ilusión de sempre e respectando boa parte do guión orixinal que aínda que pasen os anos segue sorprendendo, facendo rir e participar a un público de calquera idade.

Casa da Cultura de Burela
Martes 23 de decembro de 2025 ás 18:00 horas
Entrada de balde
Público familiar

CASA DA CULTURA DE BURELA
Venres 26 de decembro de 2025 ás 20:00 horas
Entradas á venda en Ataquilla

Romeo e Xulieta – O Ballet

Nas rúas da antiga Verona, a inimizade entre as nobres familias Capuleto e Montesco desata o rabillo do odio e as disputas de sangue queda atrapado o amor de dous corazón novos: Romeo e Xulieta. O seu primeiro encontro nun baile marca o comezo dunha historia tráxica, na que os sentimentos tenros se enfrontan á crueldade dun antigo conflito.
Un matrimonio secreto, un duelo, o exilio e un desesperado plan de fuga só levan a un resultado fatal. O erro e o azar resultan fatais: Romeo e Xulieta morren, pero é a súa morte a que reconcilia as familias enfrontadas.
Esta historia eterna de amor, sacrificio e forza dos sentimentos humanos resoa no escenario como un himno á xuventude e unha advertencia: o odio só xera destrución, mentres que o amor pode ser máis forte que a morte.
​"Nunca houbo unha historia máis triste que a de Romeo e Xulieta."

Esta é a historia de Mariña, unha nena que grazas ao aburrimento se converte en idea!
O seu pensamento ten forma de tarabela de cores. Unha tarabela de 2,20m de altura que cada vez que xira fará que se lle vaian ocorrendo un lote de ideas mentres xoga na súa habitación. Así, irase enfrontando a dragóns, a xigantes, aprenderá a usar o inxenio e ata tocará o violoncello. Usará a linguaxe do xogo, mediante a cal poderemos entrar no seu universo, no que encarnará a distintos personaxes fantásticos. E a iso tamén nos axudarán os seus enormes xoguetes, a música, os efectos visuais e sonoros e o vestiario.

Casa da Cultura de Burela
Martes 30 de decembro de 2025 ás 18:00 horas
Entrada de balde
Público familiar