O CIM e a Concellería da Muller de Burela organizan a I Andaina Solidaria contra a Violencia de Xénero coa colaboración do Grupo de Participación Xuvenil e Pasada das Cabras

Será o domingo 20 de novembro ás 10 horas

Realizarase un percorrido de 7 quilómetros con saída e chegada na Praza do Concello de Burela

Desde a organización piden que se colabora cun quilo ou litro de alimento non perecedoiro ou produtos de hixiene

Burela, 26 de outubro de 2022.-  O Centro de Información á Muller (CIM) e a Delegación de Muller e Igualdade do Concello de Burela organizan a I Andaina Solidaria contra a Violencia de Xénero, en colaboración coa Asociación “Pasada das Cabras” e o Grupo de Participación Xuvenil.

A iniciativa solidaria terá lugar o domingo 20 de novembro ás 10 da mañá, realizando un percorrido de 7 quilómetros con saída e chegada na Praza do Concello de Burela.

Poderase colaborar aportando un quilo/litro de alimento non perecedoiro ou ben produtos de hixiene que se recollerán o propio día da andaina.

A concelleira de Muller e Igualdade, Mª Noelia Ben, convidou a toda a veciñanza a participar para “rexeitar a violencia de xénero na nosa sociedade e sumar esforzos en favor da igualdade entre os sexos e a non discriminación ás nenas e ás mulleres en todos os ámbitos da súa vida”.