Karaoke senior nas Festas de Burela 2025

O Concello de Burela celebra hoxe, no marco das Festas de Burela 2025, o Karaoke Sénior no auditorio da Casa da Cultura.

De 19:00 a 20:00 será a retirada anticipada de tickets, que terán un prezo simbólico de 2€. As persoas que colleran o ticket anticipado poderán acceder ao auditorio da Casa da Cultura pola entrada lateral que dá ao kiosko.

A apertura de portas xeral será ás 20:30, e o karaoke comezará ás 21:00. Ademais, poderase seguir o evento en directo na canle de YouTube do Concello de Burela: https://www.youtube.com/live/xNbXLUJlykA

Primeiro premio: 150€ e vale de ACIA por valor de 100€
Segundo premio: 100€ e vale de 75€ de ACIA
Terceiro premio: 50€ e vale de 25 € de ACIA