A Academia de Danza Chassé presenta:

REVIVE OS 70, 80 e 90 O MUSICAL

Casa da Cultura de Burela
Domingo 8 de xuño de 2025 ás 18:00 horas
Entrada: 4,00 euros
Venda anticipada de entradas na Academia de Danza Chassé
Venda de entradas a partir das 17:00 horas

Casa da Cultura de Burela

Venres 20 de xuño de 2025 ás 20:30 horas

Burela celebra o fin de curso con con dúas citas musicais para todos os públicos

• A Orquestra do Conservatorio de Viveiro e A Banda do Verán actuarán esta fin de semana para despedir o curso escolar

O Concello de Burela pecha o curso escolar cunha dobre proposta musical dirixida a todos os públicos. Esta fin de semana a Casa da Cultura e a Praza da Mariña serán o escenario  de dúas actuacións gratuítas que combinan música clásica, pop e repertorio infantil, nunha programación que busca celebrar o final das clases e dar a benvida ao verán.

A primeira cita será o venres 20 de xuño ás 20:30 horas, coa actuación da Orquestra do Conservatorio de Viveiro, integrada por arredor de 35 instrumentistas. A agrupación, dirixida polos profesores Fernando Santiago e Juan Cabalar, está formada por alumnado actual e exalumnado do conservatorio. O concerto incluirá pezas de música clásica, tangos, temas pop e música galega, con participación vocal de Carlota López, Bruno Pedre e Marga Gutiérrez.

A programación continuará o sábado 21 de xuño, ás 19:00 horas, coa actuación de A Banda do Verán, nesta ocasión na Praza da Mariña. En caso de choiva, o concerto trasladaríase ao auditorio da Casa da Cultura. A proposta está dirixida a nenas e nenos de entre 4 e 10 anos e ás súas familias, cun espectáculo participativo que mestura música en directo, danza, clown e teatro.

O espectáculo percorre estilos como o funk, pop, reggae ou bossa nova, interpretados por unha banda de gran nivel. A Banda do Verán é unha das formacións de referencia no ámbito do espectáculo infantil en Galicia, con máis de 300 funcións ás súas costas. O seu traballo foi recoñecido cos Premios Martín Códax da Música e os Premios Frei Martín Sarmiento, e tamén recibiu nomeamentos nos Premios MIN e Ari(t)mar.

“Apostamos por unha programación cultural variada, pensada para que toda a veciñanza poida desfrutar da música en directo. Estes concertos son unha forma de celebrar o fin de curso e dar a benvida ao verán con propostas de calidade e accesibles para todos os públicos”, sinala a concelleira de Cultura, Lina Gómez.

A BANDA DO VERÁN
Un espectáculo musical infantil e familiar

Praza da Mariña de Burela
Sábado 21 de xuño de 2025 ás 18:00 horas
En caso de chuvia, terá lugar na Casa da Cultura

Burela celebra o fin de curso con con dúas citas musicais para todos os públicos

• A Orquestra do Conservatorio de Viveiro e A Banda do Verán actuarán esta fin de semana para despedir o curso escolar

O Concello de Burela pecha o curso escolar cunha dobre proposta musical dirixida a todos os públicos. Esta fin de semana a Casa da Cultura e a Praza da Mariña serán o escenario  de dúas actuacións gratuítas que combinan música clásica, pop e repertorio infantil, nunha programación que busca celebrar o final das clases e dar a benvida ao verán.

A primeira cita será o venres 20 de xuño ás 20:30 horas, coa actuación da Orquestra do Conservatorio de Viveiro, integrada por arredor de 35 instrumentistas. A agrupación, dirixida polos profesores Fernando Santiago e Juan Cabalar, está formada por alumnado actual e exalumnado do conservatorio. O concerto incluirá pezas de música clásica, tangos, temas pop e música galega, con participación vocal de Carlota López, Bruno Pedre e Marga Gutiérrez.

A programación continuará o sábado 21 de xuño, ás 19:00 horas, coa actuación de A Banda do Verán, nesta ocasión na Praza da Mariña. En caso de choiva, o concerto trasladaríase ao auditorio da Casa da Cultura. A proposta está dirixida a nenas e nenos de entre 4 e 10 anos e ás súas familias, cun espectáculo participativo que mestura música en directo, danza, clown e teatro.

O espectáculo percorre estilos como o funk, pop, reggae ou bossa nova, interpretados por unha banda de gran nivel. A Banda do Verán é unha das formacións de referencia no ámbito do espectáculo infantil en Galicia, con máis de 300 funcións ás súas costas. O seu traballo foi recoñecido cos Premios Martín Códax da Música e os Premios Frei Martín Sarmiento, e tamén recibiu nomeamentos nos Premios MIN e Ari(t)mar.

“Apostamos por unha programación cultural variada, pensada para que toda a veciñanza poida desfrutar da música en directo. Estes concertos son unha forma de celebrar o fin de curso e dar a benvida ao verán con propostas de calidade e accesibles para todos os públicos”, sinala a concelleira de Cultura, Lina Gómez.

O Concello de Burela, a través do Centro de Información ás Mulleres (CIM), organiza este ano unha nova edición do ciclo “Burela con Orgullo LGTBI+ 2025”, con tres actos culturais centrados na visibilización da diversidade sexual e de xénero.

As actividades desenvolveranse entre o 25 de xuño e o 10 de xullo no Salón de Plenos do Concello, con entrada libre ata completar aforo.

A programación abrirase o mércores 25 de xuño ás 19:30 horas coa proxección do documental “Persoas S.A.”, seguida dun coloquio no que participarán a directora do filme, Carmen Granxeiro; a produtora e presidenta da Asociación Arelas, Cristina Palacios; e unha das protagonistas, Sara Covas Palacios.

O ciclo continuará o mércores 2 de xullo á mesma hora coa proxección do documental “A noite irisada”, e pecharase o xoves 10 de xullo coa presentación do libro “Vidas e historias LGTB da Idade Media”, do escritor Carlos Callón.

A concelleira de Igualdade, Sandra Fernández, destaca que este tipo de iniciativas “son imprescindibles para seguir avanzando cara a unha sociedade máis xusta, diversa e respectuosa”. Sinala tamén que “a cultura é unha ferramenta poderosa para poñer voz ás realidades LGTBI+ e para lembrar que a loita polos dereitos continúa”.

Fernández explica que o obxectivo do ciclo é “achegar á veciñanza testemuños, coñecementos e reflexións arredor das vivencias LGTBI+, tanto no presente como no pasado, e dende diferentes perspectivas”. E engade: “Queremos que Burela sexa un espazo onde todas as persoas se sintan libres e recoñecidas”.