Tin o calcetín e Tina a calcetina chegan o sábado 10 de outubro de 2026 á Biblioteca Pública Municipal de Burela da man de Galitoon co obradoiro “Monicreques de calcetín”. Unha proposta para nenas e nenos a partir de 3 anos na que poderán construír e animar o seu propio monicreque.

A actividade desenvolverase de 12:00 a 13:00 horas na Casa da Cultura de Burela, e está pensada para que o público infantil poida achegarse ao mundo dos monicreques a través dunha actividade creativa e divertida.

As prazas son limitadas a 40 nenas e nenos e cubriranse por rigorosa orde de inscrición. As familias interesadas xa poden anotarse na Biblioteca Pública Municipal ata o xoves 8 de outubro, en horario de 9:00 a 13:00 e de 17:00 a 20:00 horas. Dende a organización sinalan que o ideal é que cada nena ou neno participe acompañado dos seus proxenitores.

Esa mesma tarde, Galitoon traerá tamén a Burela o espectáculo de teatro infantil “Os descontacontos”, completando unha xornada especialmente pensada para o público infantil e familiar.

Ambas actividades enmárcanse no programa Ler Conta Moito da Redes de Bibliotecas de Galicia.