Un conto e a durmir!

sábado, 20 Marzo, 2021 - 18:30

Felipe Díaz "Caxoto" da compañía A Trastenda dos Contos representará: "Un conto e a durmir!". Chegou a noite e con ela chegan as mellores historias. Os mouchos abren un ollo e dispóñense a comezar o día, un becho estrano camuflado na escuridade ameaza con asaltar a nosa despensa, un neno prepárase para descubrir o lugar de onde veñen todos os risos. Un feixe de contos para bebés arredor da noite, un feixe de aventuras para vivir en familia, un feixe de emocións para descubrir o mundo que nos rodea. Unha función de contos para abrirse camiño ata a cama e deixarse levar cara ó mundo dos soños.

Casa da Cultura de Burela.
Sábado 20 de marzo ás 18:30 horas.
Para nenas e nenos de ata 5 anos.
Entrada gratuíta.