A banda
A banda da Loba é unha das formacións máis consolidadas do panorama musical galego actual. Coa poesía e a lingua  por bandeira,  ofrécennos  composicións  propias  con letras  tamén súas ou inspiradas  nos poemarios de escritores/as clásicos/as e contemporáneos, nas que tratan temas importantes para elas coma a diversidade, a identidade, a memoria ou o feminismo.

Está  formada  por Andrea  Porto  (baixo), Estela  Rodríguez  (violín), Inés  Mirás  (guitarra),  Marcela  Porto (percusión) e Xiana Lastra (voz). Música comprometida cun selo persoal e característico que fai do seu repertorio un fantástico caleidoscopio musical compatible con todo tipo de público.

Discografía
En decembro  de 2017 saíu á rúa o seu primeiro traballo discográfico, “Bailando as rúas”, co que acadaron un gran éxito, dando máis de setenta concertos en ano e medio, dentro e fóra do noso territorio.

Trala boa experiencia na primeira toma de contacto como banda, a finais de 2019 presentan “Fábrica de luz”, co que foron finalistas nos Premios MIN na  categoría de mellor disco en lingua galega: Fábrica de luz é un traballo de creación, reflexión e homenaxe en torno á idea de nai entendida nun sentido amplo.  A lingua e a terra, son as primeiras nais, fábricas de luz. As creadoras que nos precederon e as que nos acompañan nesta viaxe son tamén fábricas de luz. As nosas  nais, as vosas nais, todas as nais son fábricas de luz. Son fogar, tempo e amor incondicional. Son poder, loita e memoria. Son todo o que nos permite ser hoxe tamén fábrica de luz.

No 2021 estrean "Hasme oír", un EP dedicado a Xela Arias composto por catro cancións baseadas na obra da  autora e  que se  titulan   como os  seus  catro poemarios   publicados:   "Tigres   coma cabalos", "Intempériome",  "Denuncia  do equilibrio"  e "Darío  a diario".   O  fío  conductor   que as une...  interludios musicais con versos recitados da mesma autora.

Malia os difíciles tempos  para a música por mor da pandemia, A banda   da Loba seguiu a ser unha das bandas que máis tocaron en Galicia nos dous últimos anos. Por esta razón, este ano presentan novo disco e novo  espectáculo:  "Xabón  Lagarta",  inspirado  no universo  vital  das lavandeiras  e neses espazos  de liberdade, confidencias e insubmisión que eran os lavadoiros. O pasado  e o presente. As experiencias e as conquistas herdadas. O berro  confiado porque antes outras berraron por nós. A busca  do noso  lugar nesta gran espiral que é a vida. Tirando do fío para traelo á actualidade desde un punto de vista moderno e contemporáneo.

Xabón Lagarta
"Xabón Lagarta" é o último traballo da banda e está inspirado no universo vital das lavandeiras e neses espazos de liberdade, confidencias e insubmisión que eran os lavadoiros.

Xabón Lagarta é un convite,
unha conversa na que poder expresar as nosas preocupacións máis fondas, as inquedanzas máis secretas,
os desexos máis prohibidos.

Xabón Lagarta é un lavadoiro no que acubillarnos, no que permitirnos ser.
Un espazo de diálogo no que cuestionar o establecido e dende o que rebelarnos, insubmisas,
contra o perverso dun sistema que, sabéndonos imprescindibles, nos nega dende a raíz.

Xabón Lagarta é unha tribo, unha manda, un tempo para sermos xuntas
afastadas  das imposicións, as sobrecargas e as múltiples violencias que o sistema coloca como lousas sobre as nosas cabezas.

Xabón Lagarta é o soño destas lobas que, cunha orella posta nos ecos do pasado,
nas historias das mulleres, invisibles, silenciadas, ollan cara ao futuro.

Premios
Son gañadoras  de importantes premios como o Aritmar Galiza e Portugal á mellor canción en lingua galega, que compartiron con Salvador Sobral como gañador á mellor canción en lingua portuguesa  ou o Martín Códax da Música Galega na categoría de pop/indie no 2021. Fóra do ámbito estritamente musical Fademur e a Deputación da Coruña déronlles o premio polo  Día Internacional da Muller Rural no ano
2019 e concedéuselles tamén o Premio San Martiño de Normalización  Lingüística no 2020.

Explanada Portuaria
Sábado 6 de agosto de 2022 ás 22:00 horas

BELLA E O CIRCO MÁXICO
Martes 23 de agosto ás 21:45 horas
Praza da Mariña

SINOPSE
Bela está a organizar un circo para o seu mellor amigo, Henry, xa que nunca antes estivo nun. Está moi emocionada e espera ser a atracción principal cun fantástico truco de maxia: fará desaparecer a Henry. 
Pero o mesmo día do circo, Johnny, un mozo molón, se muda á veciñanza. Ten unha idea espléndida para o espectáculo: quere facer un truco en bicicleta xunto con Henry. Henry está asombrado polo mozo novo, mentres que Ela sente que está a perder ao seu mellor amigo. A súa exasperación aumentará mais aínda cando Johnny ofrécelle a Henry unha bicicleta nova. Ela non pode soportalo máis e obriga a Henry a elixir entre Johnny ou ela. Henry non quere magoar a ninguén, sae correndo e desaparece. É cando Ela ten que ir buscar ao seu inimigo, Johnny, para que lle axude a atopar a Henry. Ten que salvar o circo, pero sobre todo a súa amizade.
A película é unha viaxe pola estrada, onde tres nenos aprenden a verdadeira maxia da amizade.

FESTA DA AUGA - FESTA FIN DAS ESCOLAS DEPORTIVAS E OCIOTECA
Deslizadores acuáticos na praza do Concello
Venres 26 de agosto de 2022 de 11:30 a 14:00 horas
​Entrada só para participantes das Escolas Deportivas e Ocioteca verán 2022

O Domingo 28 de Agosto terá lugar na Praza da Mariña unha nova edición do Rastro Solidario de 2ª Man dende as 10:00 ata as 15:00 horas.
Reserva o teu posto chamando ao 982 581 141 ou ao 608 158 170.
Normativa reguladora:
Obxectos de venda ou intercambio
1.- O valor estipulado pola organización para un obxecto será de: Máximo 500 € e mínimo 1 €.
2.- Podéranse vender todos aqueles artigos que polas súas propias características poidan ser vendidos en situacións máis vantaxosas que as habituais, que sexan de segunda man, en bo estado de uso e conservación, incluído antigüidades ou artesanais procedentes do traballo manual e que non comporten risco algún para o comprador.
3.- Neste rastro non poderán venderse ou intercambiarse os seguintes produtos:
- Artigos perecedoiros, tales como bebidas e alimentación, en calquera das súas formas.
- Produtos químicos.
- Animais.
- Armas nin produtos explosivos.
- Aqueles produtos que precisen carné de manipulador ou autorización especial para a súa venda.
4.- Os obxectos preferiblemente levarán indicado o prezo de venda.
Requisitos das persoas participantes:
Poderán participar no mesmo previa inscrición persoas maiores de idade e asociacións. Todos os participantes deberán colaborar traendo 1 kg de alimentos non perecedoiros para a súa posterior doazón.
Duración e horarios:
O rastro terá lugar o Domingo 28 de Agosto na Praza da Mariña sempre que as condicións meteorolóxicas o permitan. De non ser así celebraríase na antiga Praza de Abastos. As persoas participantes comprométense a respetar en todo momento o horario do mercado (montaxe, apertura e peche) de 10:00 horas a 15:00 horas. Para a montaxe o mesmo día a partir das 9:00 horas.
Admisión:
As solicitudes de participación fáranse aportando nome e apelidos, teléfono e DNI.
Responsabilidade dos bens do participante:
Os participantes son responsables exclusivos dos seus propios bens ante calquera perda, roubo ou dano ocasionado no posto, mobiliario ou produtos que expoñen ou venden, polo que o Concello de Burela se exime de calquera responsabilidade. Recoméndase que cada participante dispoña de Seguro de Responsabilidade Civil propio.
Nota: Mínimo de 5 e máximo de 30 postos para a realización do rastro. O incumprimento da normativa implica a exclusión inmediata da participación no mercado.

Domingo 28 de agosto de 2022 de 10:00 a 15:00 horas
Praza da Mariña de Burela
​Trae o teu libro e leva outro